X
تبلیغات
ثقافة کوت عبدالله
ثقافة کوت عبدالله
السلام علیکم ... اهلا و سهلا بکم فی مدونة ثقافة کوت عبدالله

نشر فی تاریخ شنبه هجدهم آبان 1392 من قبل احمد مزرعه |



***  فی بدایه العام الدراسی  ***



اطلبوا العلم شباب الوطنی


ان فی العلم فوائد و حکم


و بهِ الشعب یکون واعیاً


و یبقی قائماً بین الامم


هو للشعب سلاح ٌ و کفاح


و حیاة فی علوّ و قمم


ایها الطلاب یا ذخر الشعوب


الطلبوا العلم بشوق و همم


انما العلم لنور فی الحیاة


یشرق الآفاق لو کانت ظلم


نشر فی تاریخ دوشنبه پانزدهم مهر 1392 من قبل احمد مزرعه |




گعدو اکبارات امیه و صارت الهم مشوره
فارس ابگوم الحسین ابلقب سبع الگنطره
ایقدم الشط ایتحلف لختـــــه مثل الحیدره

من شال الخیبر لل هادی




عمر ابن سعد ایتلفت لل گمــــــــــر یطلب جبیل
شاف زلمه ابگومه مامن ینتخی ایلاگی الکفیل
لحظه لن مـــــــارد تحزم باچر اصیاح الدخیل

یوصلک من طبرت سیفی





یمارد منـــــــــک الحضار گله ابهای مدیونه
چیه باچر ترد عبـــــاس جثه ابظهر میمونه
بس ابهای ارید اوصیک لتحط عین بعیونه

چیه ملک الموت ابخزراته





دنهض یا عزیز الروح و اصرخ صرخت العباس
ناخذ ثار ابوک احسین ناخذ ثـــــار ابو النوماس

ملینه الصـــــــبر مولای ابصدرنا ذاگت الانفاس


اظهر یلمهدی و هد بینه






اعلن لل حـــرب مولای بینه وهد علی الکفار
تصح بینه رجال الویل تمشی ابنهج ابوالاحرار
لان انحس بعدنا الــیوم ابصدرنا نابت البسمار

ثار الزهرا انطالب بیه 

علی دربک یبو الحسنین یربن دایم یا علی امتونی
شیعی وشیعی اضل لدوم ما بیهم یغیرونی
ارید اعلن واصیح ابصوت حتی الکل یسمعونی

لو حیدر لو صیر ایهودی



الشجاعه امفصله تفصال من حیدر ورثهه الحید
او کل ما یصرخ العباس من صوته الرجال اتبید
یوم الهد علی الجیمان چن صگر ابحبار ایصید

کل عشره ابسیفه ایشگ بیهه




من صاح ابغضب عباس شتت کلهه ذیچ الگوم
زینب من تنخت بیـــــه وگالت مـای ارید الیوم
سیفه چن صگر یوعان گام اعلا الرجال ایحوم

من زینب گالت عطشانه




نظر نظریت اربعتکم کله لعیـــــــون الاخو
اومایوافی ابوعده اسئل للی خاله امنل بدو
احسین اریدنه ابوفاکم کونک ایسولف لبو

هدتک من هدو راوهه




باچر اصوات الحرایب بذنی بطف لودوه
ابرخصه من احسین کلکم طلعو لعداکم سوه
اوصیه لازمه الی عندی اللیله وای راعی اللوه

لو دمک لو مای اسکینه




یا شمر بالله دسولف شو ولا چلمه اوگلت
لیش ویهک صایر اصفر لیش من هسه اوخفت
گالهم عمی شگلکم شهر بلکت مانمت

بس اغفه ایضل یتراوالی



واحد ایگل للاخر شنهو حیدر رد عدل
یاجماعه احسین عنده فارس ابعلو الیبل
اشلون باچر واشنسوی بلا گولو لو حمل

شیرد الجیش امنیحوسه


لو شفت شال الزمان اعلیک رایات المحن
دونک العباس اگصده و اوگف اباب الصحن
گله یمتدن ادیه الغیر جودک یستحن

لو دُر من غیرک ماریده



لو شفت شال الزمان اعلیک رایات الحرب
کون ما تشتکی اهمومک لأهلک و لا للغرب
اگصد العباس ومشی وأخذ عنوان الدرب

من ناس الگبلک ماشینه




لو شفت صدرک یخویه اهموم وأحزان انشحن
اگصد العباس هسه و سولف احذاله المحن
گله متعنیک اجدی ابهوسه یم باب الصحن

ولزینب خل ربط الهوسه




لو شفت عندک مشاکل ولهه حل ما ینوجد
انا ادلیک ابطریقه اتحلهن اچفوف المجد
اگصد العباس تلگه املوک تکنس بل عجد

 وضفهم بیده الخطاره



لو شفت عَن الزمان اعلیک خیل امحجله
ارکب الشگره الأصیله الغیر کحله امکحله
قاد من توصل ترجل ومشی حافی ابکربله

او کل عشر امتار اسجد نوبا




التمت اکبارات امیه وگعداو گعدت فصل
اتبسبس اوکلهه اتنادس هاذه یاهو بوالفضل
واحد ایگل للاخر یمطل الفارس مطل

من الله اونازل طرگاعه





اذا عندک ابنیه اتصیر زغیره او بلمهد تلعب
کرامه الحیدر الکرار سمی ابنیتک زینب
واذا عندک ولد یل عریس علی اسم الولد لا تتعب

اسم العباس اشمحلاته




وسام الخوه ضل خجلان یم یوسف هبط راسه
چی خوانه خانت بی الچانت هیه حراسه
من شاف البطل عباس صاح او سولف احساسه

بسم العباس ارفع راسی




یا علی الموسی اعتنیتک جدمی یعثر بلمسیر
والچبیر الکل تسولف عینه کون اعلع زغیر
ابکیفک انه الیله گاعد یمک ابصحن الغدیر

لغلامک سویلک چاره




یا علی الموسی اعتنیتک وادری گدهه اوتنتخی
شد حبل کارت املنه الصبح امن الهم رخی
مایرد چف عوز چفک مثل چف عمک صخی

للشط قدم یوز اچفوفه





یا علی الموسی اعتنیتک عجده عدی اتحلهه الی
حتی ارد فرحان بیهه وامشی اسولف یم هلی
واذا شفت مامن نتیجه ابدربی اتعده ال علی

واشکیله ابنک ما کض ایدی






جـــفن ماطبگله مـــــــارد سهر لیله او ماقفه
طلع صوب الگمــــر مارد ونطه للعسکر گفه
شعره موخاطی الی گله او عمر زین اموصفه

چیه سهون حط عین ابعینه




زمخ عل مارد العباس کظ الخوف رجلینه
چبیرک ما عرف یوصیک لتحط عینک ابعینه
من لحت ابظهر عشمای تدری اشطلبت اسکینه

عباس المارد گص راسه






گله فلتات اللسان الخلن ایــــزامط عمر
اوگتله عد عیناک باچر آنه چتال الگمر
بعد ما خلا یکمل شافـــــــو المارد حمر

من دم الطایح من راسه




اربعتکم گعدو یمی ابصوت تنخــــه ام البنین
ابوگفه یم احسین احلل تعبی کل های السنین
بیضو وجهی ابهای اریدن یم امیر المومنین

و الزهره اتبشر وفیتی




اربعتکم هـــــــــــــدو اریدن مثله هدت الاربعه
او جیبو ابشاره الحسین انفتحت النه المشرعه
گطعو اصفـــوف القیاده ابشکل گمطه الگطعه

عباس الزینب بصیاره
نشر فی تاریخ دوشنبه هشتم مهر 1392 من قبل احمد مزرعه |

ابغابت اهلی جدی هزبر ابد ما یدخل ای نفر

لو شخص شافه ایتعیل لذنوبه ابدن ماغفر

ول اصل اهنانه بین نظر واحد ابگاعه ایحفر

هزبر عل هزبر شال ایده



وحگ یعرب هو اصله و هلی ابصحرت عدو

یطخ راسه الخصم لینه حنه ما هبنا العدو

حنه اکرام و شجاعه و بل علم نصعد علو


جبنه اسیوف و سنینه

من عاذل ما ردینه

نفرح للحگ غنینه

الباطل باطل ماردنا


نشر فی تاریخ دوشنبه هشتم مهر 1392 من قبل احمد مزرعه |






صديقي الچنت ازامط بیه وگلبي ایحسب احسابه

رحتله ابیوم عید الله وصلته وسد علي بابه

رجعت اردود ادگ بالباب طلعلي ونبح اچلابه

گللهن هذا الباگاني



صدیقي الچنت ازامط بیه و اعز من عندي ما عنده

خنجر غدر شک باحشاي طحت وشاف وتعده

کله وماحسبت ایخون گلت هاک الجرح شده

شد جرحي ونیشن للثاني



صدیقي الچنت ازامط بیه واعز من عنده ماعندي

لچمني وخله کل شامت وگف ویهوس ابضدي

رحتله وگمت ادگ بالباب گلهم دگت امجدي

گلوله ایدگ باب الثاني

صديقي الچنت ازامط بیه وگلت اینوح یم نوحي

غافلني ابحلاة النوم ضب صم ملح بجروحي

گلبي ابطاعتي او وياي بس العیب من روحي

کلمن یضحکلی امخاویته


نشر فی تاریخ دوشنبه هشتم مهر 1392 من قبل احمد مزرعه |



بس بعد بسک یگلبی اعلی صدیج اشگد تلح

الامس بی زامطت خصمک رش علی اجروحک ملح

اشبیک ما تعرف یگلبی اصیار امس صایر وکح

فوگ الحبلین ایدگ چوبی




ابعیدک یا ابو الحسنین حضرنه الیوم مشایه

ورغما عل یضدک دوم اسمک شرف لثایه

علی بس بیک نتنخه ونشیل ابزودک الرایه

ما تنزل چفک راعیهه




مو ما صخ  لذيذ الزاد امن اختي التلبس الشيله

وحليب الام حرام إعلیه العنده اویه الربع حیله

الیگرص لایضم راسه الفخر للما یضم ذيله

العگرب من ذیله ایهابونه

نشر فی تاریخ شنبه ششم مهر 1392 من قبل احمد مزرعه |

الدنیه عاسرتنی اترید کتلای


وماظنتی الهموم انوجد کتلای


تگلی انته السبب بلعین کتلای


الاخو من راح خله وگطع بیه



نشر فی تاریخ شنبه ششم مهر 1392 من قبل احمد مزرعه |


اشگد صایر وکح مایستحی السیف

 طب براس حیــدر یقره قـــــرآن


نشر فی تاریخ شنبه ششم مهر 1392 من قبل احمد مزرعه |


حتی  الما  یشوّر  بی  علگ   دگیت

طب ای حضره تلگه اسمک علل بیبان

نشر فی تاریخ شنبه ششم مهر 1392 من قبل احمد مزرعه |




من کثر الماسی و کثر الاهموم

سمتنی الربع والناس عاشور

نشر فی تاریخ شنبه ششم مهر 1392 من قبل احمد مزرعه |


عندی اهموم کثره ابثگل ذولفقّار

بس ادری علی امننخاه  یرفعهن

نشر فی تاریخ شنبه ششم مهر 1392 من قبل احمد مزرعه |


اجبرت گلبی یعوفک لاکن اشلون

مثل أم و ولدهه ابحلگ  الاسباع





الورد ذوبل ومن شافک تخجّل

ونه المسکین عودانطیک الاورود

نشر فی تاریخ شنبه ششم مهر 1392 من قبل احمد مزرعه |




علی ابّیت الله صار والله شگله البیت

شفت  واحد یشگ البیت  لل  خطار

نشر فی تاریخ شنبه ششم مهر 1392 من قبل احمد مزرعه |
یشع ضی ابحنادس صدر دراک
و یخاف امنل الحساده الگب دراک
یطوفون النفوث احوال دراک(دارک)

لئن انت الدوا و انت الشفیه




عویل و نوح کل مصباح یبداء

علی اهوای الیصد اعلیه یبداء
صحیح الگال حب الصبی یبداء

 

لکن مو داء حط اجنون بیه



نشر فی تاریخ شنبه ششم مهر 1392 من قبل احمد مزرعه |

 


لاتقنع بصید الراگ حلّگ للحبار وصید  

و ذب روحک على الكلفات يلعزه و كرامه تريد  

لاتحسب الحگ ایضیع وعیون الخذته اتهید  


للحگ او چانت طلابه  



ناس تخلص للعقیده و للشرف تصبح لوه 

وناس ویه الریح تمشی شلون ماهب الهوه 

من اشتبش عامی ویه شامی الخشن و الناعم سوه


غربیل الشده ایصفیهه

 



ابنك بلعلم وصيه وگله اعله العلم دامن 

تراهو القلم من ايثور تسكت حتى الكلاشن 

اشبش حبر وي بارود وبزود الزلم راهن

  

 ماذلت گوم الفهمانه

 

نشر فی تاریخ پنجشنبه چهارم مهر 1392 من قبل احمد مزرعه |
مرتبط قلبی ویاك والنبض منك *** ..هم تعتقد یوم انساك واتخله عنك



شحجی وترید الناس من عندی أحجـی *** دمعتی إبطرف العین بس أحجی أبجـی


طیحه وطحت یفلان والسبه انته *** هدنی حسن البیك وصابتنی سكته




تدری شكثر أهواك وأشكد أریدك .. *** من إیدی إغار إعلیك من ألزم إیدك..


حبیتج حب جنون وبكلبی اخلیج *** اتمنى من رب الكون ما لحضة یأذیج





ارید اسائل العراف وكول الیذكرون *** لیش الاریده ویای یتركنی ویخون


الیخص والمخصوص والكلش یخص *** كلهم برمش العین بس انته بالفص


عرجه وكسرنی البین وبعیونی مااشوف *** جابولی طاری اهوای كمت ازحف زحوف


كلمن یكول انساك كله انت مجنون *** هو الكمر ینشاف من دون العیون
نشر فی تاریخ پنجشنبه چهارم مهر 1392 من قبل احمد مزرعه |




هم بیه وهم بیك ونهم سویى *** او لتظن یوم أنساك حد المنیى



شماتی مو شمات شماتی عدهن *** ولفی ال هجرنی و راح كان اسمه محسن






عینی انی طول اللیل ما غمضت دوم *** من فركتك یهوای موتتنی الهموم



ضحیت الك انه اهوای حسبالی توفی *** ما ادری الغدر بیك ومن اصل كوفی





عید الیمر عالناس كلهة استراحت *** بس انة انوح علیك وعــیونی راحت




ماضل صبر بالروح یال انته روحی *** خایف تغیب اهوای وینكطع لوحی



جیمه بوسط تنور خلانی الفراك *** اصرخ واكول اشا من الك اشتاك



لعیونك امشی بلیل لو تمطر رماح *** الیمشی للغالین مو وسفه لو طاح




كـل عقلك آنی أنساك وأعشقلی ثانی *** انت القلب والروح یعنی أنت أنی




نشر فی تاریخ پنجشنبه چهارم مهر 1392 من قبل احمد مزرعه |


أطيع بغايه غيره لومرايه
سوره بيوم يوكف لو مر آيه
شني كرستاله وجهك لو مرايه
أباوع أشوفن كلشي بيه


أنا مجرب وفي ومعروف وصلي
جنوبي ومال ألأول لين وصلي
أذا ينكطع بألطيبين وصلي
أريد ألله وهلي يكطعون بيه


أنت ألحسن كله وألآداب
ولغيرك ماعشك كلبي ولاداب
تسوى ألطب وألهندسه وألآداب
وألقانون ياخذلك تحية


بعتلج كلبي وأنطيتج وصل بي
وعذابج لآخر ألدنيا وصل بي
خليه ع ألجمر بيدج وصل بي
ولامكسور خاطر يردليه


ردت مره على كيفي منكأبسل
وتالي طلعت روحي منك بسل
تدري شراح أسوي من أكبسل
أدج روحي وأكلهم عال بيه


روحي شلون أكضها من تهم بيك
ومثل تهمه يخايب متهم بيك
ألظيم أليمر بيه منت همبيك
ولاجنك وأنا مبين بيه


عسل بشفافهم كل وكت مريت
حلو طيب جنت مجبور مريت
أليخون بعشرته ياريت منريت
يجي بساعه زعل يوكع بدية


عنيد وهألعناده ألبيك مره
أليزعلك روحله وبألجذب مره
يمكن يعترف بألشوك مره
ويكلك منك أحتاجيت جيه


فاض ألشوك بيه وألمحنه
وكون أحضى بخيالك وألمحنه
ألمشمعات بيه وألم حنه
حزنا لأن مامريت أنت بيه


ماصخ جنت وبجفي ملحتك
تلح ماتلح متهمني ملحتك
يعنكود ألعنب لتظن ملحتك
كبل لاجيك طحت أبين أدية


وحق بير ألذي ليوسفحمدلاه
وحق ألطله للباري وحمدلاه
قضيتك مو طبيعية حمد لاه
هدل متنك عليمنشنهو ألقضية


ألأبوذيه بس ألك وحدك نصبها
ومحاجيك عسل ع المر نصبها
ألكلب جم سيطره بروحي نصبها
غيرك مايمر لو مو هويه


دريتك بيهتغدر وعلمنك
وصيتي يفوق صيتك وأعلى منك
يصير ألخير باجر وأعلمنك
وأصفالكورد ألحك أليه


ربع عمري ألجيرخص ونصفي
يحلوه أرجوج فهميني ونصفي
نصفي غارك بحبك ونص في
سبع لوعات بسيبجن عليه

نشر فی تاریخ پنجشنبه چهارم مهر 1392 من قبل احمد مزرعه |

عطست اوگتله عرضه عوف الافراگ

يگلي هاي ابشهاده نفترگ احسن


***
حتي الصيدليه تدري بينه اجروح

باقي افلوسنه تطينه لزگه!!!!!


***


چلمت قشمرا لا تحچي يم شمات

توصل للتحبه احچايه مگلوبا....!


***
ابغيابک مر علي مخبول تدري اشگال؟

همزين الله ما سواني مثلک!


***


تمنيت السنه مابيهه عاشور

لئن تکتل کتل من تلبس اسود...


***
خذيت بوسه ابغيابک تعرف امنين؟

من حايط چنت توگفلي يمه


***
ابکل حلو لوله اتصير بس شحچي عنک

صارت الوله البيک حته احله منک
***
يوجعني الطريق البي مشيت اوياك...

ابكل خطوة تطلع ميت الف حسرة


***
شبابي أشتعل لأجله وماقنع بي

شلون أقتنع من شعلولة شمعة
 

***
خــذت صـورة الـدمعتي بفرحتي بملگاك؟

اتــراويهـه الشـماتـة اتـگول بـچـيـته


***
الساعه لازم توگف ابيوم التروح

ويه غيرك ما اريد اصرف وكت
 

***
چنت بدموعي اصيحك لمن اتروح

هسه الدمع وشل بيش اصيحك ؟؟؟
 

***
صحتلك(لا تــــروح) اتخيل اشلون

مثل صيحـــــت الميت عل يدفنون


***
آنة الخاطر الله وياك ضليت...

بعد شتريد مني لخاطر آلله
 

***

الميت لو كره يكره الدفان

شو دافني بيدك ما كرهتك
 

***
تخبلت بغيابک تعرف اشلون

ياهو الي اشوفه اثقاب ابويهه


***
امضيع خنجرک لا تخاف هو ابخير

قبل اشويه فات ابگلبي مستعجل


***
تدري بغيابک اشينزل من العين؟

جمر حتي ابجهنم ماکو منه
***
عذاب الگبرضگته ابفرگتي اوياک

بس المات يعرف شنهو قصدي
***
 
نفط ودموع الک رشيت الهدوم

فرحني اوتعال ابعود شخاط
***
مثل ضابط مرورالحزن صار اوياي

يافرحه التجي يکتب جريمتهه


***
انه ادموعي بنات ايرفعن الراس

لاکن من رحت باعن شرفهن


***
اذا لحظه نسيتک خل يگولون

صدگ راعي المروه حمل اوشال


***
تعال اشتغل ابارض اجروحي فلاح

لوتزرع ملح بس کون اشوفک


***
من گد ماعليک اتعودت روحي

گمت حته ابمنامي احذالي اشوفک


***
علي فرگاک بچت کل الحياطين

حته البيه صار بيه رطوبا


***
قاضي الشوگ مجرم قاصي وياي

گلت مشتاقلک گال انته معدوم


***
بسک ياصبرکلش تعبت اوياي

روح ارتاح راح الي تحبه
 

***
ملک الموت اجاني وشاف الجروح

گعدطلع جگاره او گلي نارک


***
من گلتلي ابحلم هل ليله امر بيک

من خمسه العصر مديت الفراش


***
اذاتترک صلاتک تگدر اتعود

بس تترک صديقک هاي صعبه


***
شامت عايداني فنک اشگال؟

يل امتاني التحبه افراگک امبارک


***
اذا انته حبيبک عافک اوراح

انه اوياي يمشي وعاشرله ثاني


***
امي شافت صورتک تدري شتگول؟

هيعونک يايمه اشلون صاحبته


***
شفت دخان يطلع من الگبور

اظن جدي احترگ من فارگتني


***
کاشخ وانتظر او تاليهه ماجيت

خجلت او داعتک حته من الهدوم


***
مادنج راسي والله مو مغرور

بس انته عله راسي وخايف اطيح؟


***
الشارع فاض بدموعي اعله فرگاک

يسئلونک: تگلهم لوله مکسورا


***
سبب موتي انعرف ماحاجه للتشريح

صعدبيه اشتياقک ونفجر راسي


***
صاير ما اشوفک بس بل احلام

يعني اشلون اگضي العمرنايم


***
اجرجر بلجفن غمض يخايب نام

المسهرک ترا ويلغير مشغول


***
ابشرک گام يزحف جرح فرگاک

وعنده اسنون هسه اوياکل ابگلبي


***
موکل لون ابيض يندبچ بفراح

اجاني الشيب صخم کل حياتي


***
جابولي گلب مستعمل او مکسور

گالولي يحن بس ضب براقيه


***
انه اتخبلت گلت اريد انساک

انته العاقل اشمالک عفتني


***
حچه کلمه المسيح اوصارروح الله

وانه اشگد حچيت وماصرت روحک


***
اذا انته جهنم ايد اتروح

والله اکتلي سيدومشي وياک


***
لتصاحب شمس وتزعل الغروب

ترا تشبع مزله ابوکت الغروب


***
تدري اشلون افرح من الاگيک

مثل فرحت العوره ابيوم خطبوها


***
لون الناس تدري اشگد احبک

چان التهو بيه و نسو مجنون


***
الواشي عم عليه تدري اشلون ؟

لان گل الحبيبي هاذه ميحبک


***
حتي   الما   يشوّر   بي   علگ   دگيت

طب اي حضره تلگه اسمک علل بيبان


***
کتاب اتگلي  ادزلک لمن  اشتاگ

دزلي اعيون خاطر اقرا الاکتاب


***
 جميل انته او جمالک ميتوصف


اذا يوسف يشوفک يگص ايده

***

اشما اکل ما اشبع احس يوعان


تعال اگعد ابصفي ارداشبع ابشوفک

***

اذا يعگوب يدري اشگد بچيت اعليک


اظنتي ايعوف يوسف يبچي اعليه

***

تدري اشلون حالي بيوم الفراگ


صرت راکب بلم و مسح بل ادموع

***

انکسر گلبي ابغيابک تعرف اشلون

مثل کسرت ضرس ليلوچ صخره

***

اذا يوسف نبي و اخوانه باعو


بعد شنتظر منک يل بعتني

***

ايوزن گلت منک من اتوب اليوم


تبت لاکن تبت مايوز منک

***

روحي انته صدگ ما گتلک انته الروح


لان خايف ياخذک من عندي عزرائيل

***

من يوم العفتني گلبي ما ضاج


اخاف ايضيج و انته ابگلبي تتأذه

***

بفراگک ما نمت ما غمضت عين


بس گاعد افکر ليش عايفني

***

شلت همک علي اشتافاتي لثنين


تجازيني تمر واتشيل خشمک

***

بگت گلبي من عندي تعرف اشلون

مثل متار لو طگاله کيفه


***
على طاري الخيانه شلونه ذاك اوياك

هم مثلي يعزك لو كسر خشمك

***

سألت الذيب كتلة شنو طبع اليغدرون
كال اسأل حبيبك هوة علمني ............

***
على طاري العشك اشلون غيري اويـــــــــــاك
هم مثلي غشيم مصدك تحبــــــــه


***
مو كلمن بشر معناهه انسان
اكو هيئة بشر بس هوه حيه

***

يجي يوم واشوفك تبجي مثلي دموع
وعلى فراكي اشوفك حـيـل مــقــهور

***

دنيـــا الــبـاع بــيــه يــصـيــر مبــيـوع
عبـــالــك بــيــه دارت بـيــك مـــــتدوم


نشر فی تاریخ چهارشنبه سوم مهر 1392 من قبل احمد مزرعه |
الکعبه جابتک و تنست ابقرآن

مدرستک محمد یاعلی اشطلع ...

نشر فی تاریخ چهارشنبه سوم مهر 1392 من قبل احمد مزرعه |

تحميل الصور

التسوق عبر الانترنت

فأل حافظ

قوالب بلوق

.: Weblog Themes By Blog Skin :.